Qiyaamah

Qiyaamah

1. Qiyaamath ke mafhoom

Qiyaamath se muraad wo waqt hai jab kayenaath ka saara zaaheri nizaam tabaah wa barbaadh ho jayega aur har cheez fana ho jayegi.
Ayath Sureh Rahman ayath 26-27: jo kuch bhi zameen par hai sab fana hone wala hai, sirf tere rab ki zaath jo azmath aur izzath waali hai baakhi reh jayegi
Us din jaha ek taraf har cheez halaak hogi aur tamaam zinda insaan fauth honge, wahi dosri taraf unhe dobara zinda bhi kiya jayega, phir unhe maidaan hashr mien jama kar ke hisaab liya jayega aur phir aakhir mein unhe un ke hamesha ke thikaane (jannath ya jahannam) mein dakhil kiya jayega, bas yahi qayaamath ka din hoga

 

2. Qayamath ke mukhtalif naam

1, al yaumul aakhir – yaum aakhir (sureh tauba ayath 18)
2. yaumul qiyamah – qiyamath ka din (sureh bani Israel ayath 97)
3, yaumul ba’as – dubara ji uthne ka din (sureh haj ayath 5)
4, yaumul khujoor – nikalne ka din (sureh qaaf ayath 42)
5, yaumul fasl – faisle ka din ( sureh mursilaath ayath 38)
6, yaumud deen – jaza ka din (sureh saffaath ayath 20)
7, yaumul hasrah – hasrath ka din (sureh Maryam ayath 39)
8, yaumul khulood – hamesha rehne ka din (sureh qaaf ayath 34)
9, yaumul hisaab – hisaab ka din (sureh saad ayath 26)
10, yaumul wayeed – wayeed ka din (sureh qaaf ayath 20)
11, yaumul aazifa – qareeb aane ka din (sureh mumin ayath 18)
12, yaumul jama’a – jama hone ka din (sureh shura ayath 7)
13, yaumat talaaq – mulaqaath ka din (sureh mumin ayath 15)
14, yaumul tanaadh – ek dosre ko pukaarne ka din (sureh mumin ayath 32)
15, yaumut taghaabun – nukhsaan ka din (sureh taghaabun)
16, as-saa’a – waqt qayaamath – sureh taha ayath 15)
17, al-qariya – khd khadaane waali – sureh haaqqa ayath 4)
18, as-saakhkha – kaan behre kar dene waali saqt awaaz (sureh abas ayath 33)
19, at-taammatul kubra – bahuth badi aafath (sueh naaziaath ayath 34)
20, al-ghaashiya – cha jaane waali (sureh ghaashiya ayath1)
21, al-waaqia – waaqe hone waali (sureh waaqia ayath1)
22, al-haaqqa – saabith hone waali (sureh haaqqa ayath 1,2)

3. Qayamath yaqinan qaayam hone waali hai

Qayaamath ka qaayam hone mein koyi shak nahi hai, log aise bhi hai jo qayaamath par shak karte hai, baaz aise hai jo qayamath par zara bhi yaqeen nahi rakhte, lekin har insaan ko ye baath jaan leni chaiye ke qayaamath ke qaayam hone mein koyi shak nahi hai, aur ek musalmaan us waqt tak musalmaan nahi ho sakta jab tak ke us ka imaan digar tamaam baatho ke saath saath qayamath par na ho.

1, qayaamath yaqinan aane waali hai jis mein koyi shak nahi aur bila shuba Allah ta’ala qabro waalo ko uthayega (sureh haj ayath 7)
2, aur qayaamath zaroor zaroor aane waali hai, pas tu husn wa qoobi (aur acchayi) se dar guzar karle (sureh alhijr ayath 85)
3, unhone kaha ke kya jab hum haddiya aur (mitthi) ho kar reza reza ho jayenge, to kya hum az sar nau paida kar ke phir dubara utha kar khade kar diye jayenge, jawaab dijiye ke tum patthar ban jaao ya loha, ya koyi aur aisi khalqath jo tumhaare dilo mein bahuth hee saqth maloom ho, phir wo ye puche ke kaun hai jo dubara hamari zindagi lautaye? Aap(saw) jawaab de de ke wahi Allah jis ne tumhe pehle baar paida kiya. (sureh bani Israel 49-51)
4, insaan kehta hai ke jab main mar jaonga to kya phir zinda kar ke nikala jaonga? Kya ye insaan itna bhi yaad nahi rakhta ke hum ne ose is se pehle paida kiya halaan ke wo kuch bhi na tha (sureh Maryam ayath 66, 67)

4. Qayaamth ke qaayam hone par shak karne waalo ke liye misaale

1, aur Allah hee hai hawaaye chalaata hai, jo baadalo ko uthaati hai, phir hum badalo ko murda (banjar) zameen ki taraf le jaate hai, aur us se zameen ko us ki mauth ke baadh zinda karte hai, osi tarah dubara ji uthna (bhi) hai (sureh faatir ayath 9)
2, Hz. Ibraheem (as) ne Allah ta’ala se guzaarish kit hi ke main dekhna chata hoon ke murdo ko AAP kaise zinda karte hai, to Allah ta’ala ne farmaya kya tum imaan nahi rakhte, to Ibraheem(as) ne farmaya ke imaan to hai lekin main chahta hoon ke mera dil mutmaeen ho jaaye, to Allah ta’ala ne farmaya sureh baqara ayath 260 mein: 4 parinde lo un ke tukde kar daalo, phir har pahaad par un ka eke k tukda rakh do, phir unhe pukaaro, tumhaare paas daudte hoye aa jayenge
3, sureh baqara ayath 259: ya us shaqs ki maanind jis ka guzar us basti se hoa jo chath ke bal aundhi padi hoyi thi, is ki mauth ke baadh Allah ta’ala ise kaisi zinda karega? To Allah ta’ala ne ose 100 saal ke liye maar diya phi rose uthaya aur pucha kitni muddath tujh par guzri? Kehne laga ek din ya din ka kuch hissa, farmaya balke tu 100 saal tak raha phir ab tu apne khaane pine ko dekh ke bilkul qaraab nahi hoa aur apne gadhe ko bhi dekh, hum tujhe logo ke liye ek nishani banaate hai, to to dekh hum hadiiyo ki kis tarah uthate hai, phir un par gosht chadaate hai, jab ye sab zaaher ho chukka to kehne laga ke main jaanta hoon ke Allah ta’ala har cheez par qaadir hai

5. Qayaamath ke munkireen ka anjaam

1. sureh rome ayath 16: aur jinhone kufr kiya aur hamari ayaath aur akhirath ki mulaqath ko jhutlaya wo sab log azaab mein haazir kar diye jayenge
2, sureh furqaan ayath 11: aur hum ne qayamath ke jhutlaane waalo ke liye bhadakti hoyi aag tayyaar kar rakhi hai
3, sureh raad ayath 5: agar tujhe ta’ajjub ho to waaqeyi un ka ye kehna ajeeb hai ke kya jab hum mitthi ho jayenge to kya hum nayi paidayish mein honge, yahi wo log hai jinhone apne parvardigaar se kufr kiya, yahi hai jin ki gardano mein tauq honge aur yahi hai jo Jahannam ke rehne waale hai jo us mein hamesha hamesha rahenge
6

6. Qayamath kab qaayam hogi

Qayamath ke qaayam hone mein koyi shak nahi hai lekin wo kab qaayam hone waali hai us ka sahih ilm sirf Allah Ta’ala ko hee hai.
1, sureh naziaath 42-44: log (mushrikeen) aap se qayamath ke waaqe hone ka waqt daryaaft karte hai, Aap ko is ke bayaan karne se kya talluq? Us ke ilm ki inteha to Allah ki jaanib hai
2, sureh araaf ayath 187: log Aap se qayamath ke mutalliq sawaal karte hai ke us ka waqu kab hoga? Aap farma dijiye ke us ka ilm sirf mere rab hee ke paas hai, us ke waqt Par us ko Allah ke siva koyi aur zaaher na karega, wo asmaano aur zameen mein bada bhaari (haadesa) hoga aur tum par mahez achaanak aa padegi, wo Aap se is tarah puchte hai jaisa goya Aap(saw) us ki tehqiqaath kar chuke hai, Aap farma dijiye ke us ka ilm qaas Allah ta’ala hee ke paas hai lekin aksar log nahi jaante
3, sureh luqmaan ayath 34: yaqinan qayaamath ka din Allah ta’ala he eke paas hai

7

7. Qayaamath intehaayi qareeb hai

1, Sureh qamar ayath 1 : qayamath qareeb aa pahonchi aur chaandh phat gaya
2, Sureh ahzaab ayath 63: aur tumhe kya maloom ke shayaad qayaamath qareeb hee ho
3, Sureh bani Israel ayath 51: log (mushrikeen) kehte hai ke qayaamath kab ayegi, Aap(saw) keh dijiye ke kya ajab wo qareeb hee aa pahonchi ho
4, Hadith: mera dunya mein ana aur qayamaath, duno is tarah qareeb hai jaisa ye do ongliya (bukhari 6504)

8

8. Qayaamath achaanak qaayam hogi

1, Sureh araaf ayath 187: wo (qayaamath) tum par mahez achaanak aa padegi
2, Hadith: qayaamath qaayam ho jayegi aur mard ontni se doodh nikalta hoga, pas bartan us ke mu tak na pahoncha hoga ke qayaamath aa jayegi aur 2 mardh kapde ki qaridh wa faroqth karte honge, qaridh wa faroqth na kar payenge ke qayaamath aa jayegi aur koyi mard apne hauz durusth kar raha hoga pas us ko durusth kar ke waapas nahi paltega ke qayaamath aa jayegi (muslim 2954)