Bismillhirrahmanirrahim
*Aapas mein firqon mein na banto aur sabhi musalman bankar raho*
--------
✦ Huzaifah bin Yaman Radi Allahu Anhu se rivayat hai ki Rasool-Allah
Sallallahu Alaihi Wasallam ne farmaya kuch log jahannam ke darwaze ki
taraf bulane wale honge jo un ki baat manega usko dozakh mein daal denge
maine arz kiya Ya Rasool-Allah Sallallahu Alaihi Wasallam mujhe unki
pahchan bata dijiye Aap Sallallahu Alaihi Wasallam ne farmaya wo hamare
hi jaise honge aur hamari hi zuban (Arbi) bolenge maine kaha ki agar
maine wo zamana paya to Aap mujhe kya hukm dete hain farmaya ki
Musalmano ki jamaat aur unke Imam ke saath rahna maine kaha ki agar
Musalmano ki jamaat na ho aur unka koi Imam na ho? farmaya ki phir un
tamam logon se alag ho jana chahe tumhe jungal mein jakar Darakhton ki
jade (trunk of a tree ) chabani padhe yahan tak ki is halat mein
tumahari maut aa jaye
Sunan ibn Majah, Vol 3, 860-Sahih
✦
Arfajah bin Shuraih Radi Allahu Anhu se rivayat hai ki Rasool-Allah
Sallallahu Alaihi Wasallam ne farmaya mere baad fitney aur fasad ka
zamana aaayega , to aise shaksh ko dekho jo (musalmano ki) jamaat ko
chodh de aur Muhammad Sallallahu Alaihi Wasallam ki ummat mein foot
(division) daale to usko qatl kar do kyunki Allah ka haath (yani madad)
jamaat par hai aur Shaitan uske saath ho jata hai jo jamaat se alag ho
jata hai , aur usko hankta rahta hai.
Sunan Nasaii, Vol 3, 322 - Sahih
✦ Abu hurairah radi allahu anhu se rivayat hai ki Rasool-Allah
Sal-Allahu alaihi wasallam ne farmaya Jo shaksh itaa'at se bahar ho jaye
aur (musalmano ki) jamaat ka saath chorh de aur phir wo mar jaye to
uski maut jahiliyat ki maut hogi.
Sahih Muslim, Vol5, 4786
✦
Anas bin malik Radi Allahu Anhu se rivayat hai ki Rasoollallah
Sallallahu Alaihi Wasallam ne farmaya Bani israeel ke 71 firqe huye aur
meri ummat ke 72 firqe honge, sab ke sab dozakhi honge siwaye ek ke aur
wo Al-Jamaat hai
Sunan ibn Majah, Vol 3, 874-Sahih
Al Quran : Sab milkar ALLAH ki (hidayat ki) Rasii ko mazbuti se thaam lo, aur aapas mein firqon mein na banto
Surah Aal-e-Imran (3), Verse #103
✦ AL Quran : Jinhone apne deen ko tukde tukde kar diya aur kayee
jamatain ban gaye tumhara unse koi ta’alluq nahi uska kaam ALLAH hi ke
hawale hai phir wohi unhey batlayega jo kuch wo karte they
Surah Al Anaam (6) , 159
✦ Al Quran : Usee (Allah) ki taraf ruju kiye raho aur us se darte raho
aur mushriko mein se na hona , (aur na ) un logo mein jinhone apne deen
ko tukde tukde kar diya aur (khud) firqe firqe ho gaye , har firqa usee
se khush hai jo unke pass hai
Surah Ar-Room (30), 31-32
--------
✦ comments : Aajkal aksar log musalmano ko aur gair muslimo ko unke
firqe ki taraf bulate hain aur unka firqa join karne ki dawat dete hain
ki ye firqa achcha hai yahi jannati hai and all this things ,hadd to ye
ho gayee hai ki ab jaha ek masjid hua karti thi wo ab firqaparasti ki
wajah se har firqe ne apni alag masjid bana li hai ek hi elaqe mein ab
teen teen masjid ban gayee hain aur kahi to dusre firqe ke liye no entry
ke board bhi lag gaye hain , magar Rasool-Allah sal-alalahu alaihi
wasallm ne saaf farma diya hai ki musalmano ki jmaaat ka saath nahi
chorhna hai chahe kuch bhi ho jaye aur Quran bhi hujjat kar chuka hai ki
firqo mein na bant jana aur ye hadith bhi hujjat hai ki jo bhi ummat
mein foot daale usko qatl kar do itni sari ahadith ke baad bhi agar koi
na samjhe aur firqaparasti kare to usko Qayamat mein iska jawab dena
hoga, agar aap apne aapko musalman kahte ho aur Quran aur sahi Hadith
follow karte ho to yakeen maaniye aap safe side ho kyunki aap par kisi
firqe ka label nahi.bas yahi aap sabse guzarish hai ki ek ummat ki tarah
sabhi aapas mein musalman bhai ban kar raho aur Quran mein bhi humko
yahi dua Allah ne sikhayee hai ki agar marna to musalman hi marna.
--------
إِنَّ اللَّهَ اصْطَفَىٰ لَكُمُ الدِّينَ فَلَا تَمُوتُنَّ إِلَّا وَأَنتُم مُّسْلِمُونَ
✦ Beshak ALLAH ne tumhare liye yahi deen pasand farmaya hai , isliye mrna hai to Musalman hi mrna.
Al Quran , Surah Al-baqara (2), 132
رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ
✦ Oh ALLAH hum par Sabr daal aur humein Musalman karke maut de.
Surah Al-Araf (7) verse 126
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنتُم مُّسْلِمُونَ
✦ Al Quran : Eh imaan walo ALLAH se darte raho jaisa us se darne ka haq hai aur mrna to Musalman hi mrna.
Surah Aal-e-imran (3) , 102
فَاطِرَ السَّمَاوَاتِ وَالْأَرْضِ أَنتَ وَلِيِّي فِي الدُّنْيَا
وَالْآخِرَةِ ۖ تَوَفَّنِي مُسْلِمًا وَأَلْحِقْنِي بِالصَّالِحِينَ
✦
Eh aasmano aur zameen ko paid karne wale tu hi mera wali (kaarsaz) hai ,
tu mujhe is haal mein maut de ki main musalman hu, aur mujhe Neik logon
mein shamil kar.
Surah Yusuf (12) , 101