Hadith: jisney kisi cheez se khudkushi kar li to usey Jahannam mein usi se azab diya jayega
🌺Abu Hurairah Radi allahu anhu se rivayat hai ki Nabi kareemSallallahu alaihi wasallam ne farmaya jo shakhs khud apna gala ghont kar jaan de dhalta hai, to wo jahannam mein bhi apna gala ghont-ta rahega aur jo kisi barchi ya teer ( yani dhaardar cheez) se apney aapko maar wo dojakh mein bhi apney aapko isi tarah maarta rahega.
{Sahih Bukhari, Vol 2, 1365}
🌺Jundub Radi Allahu Anhu se rivayat hai ki Rasoollallah Sallallahu Alaihi wasallam ne farmaya pichley zamaney mein ek shaksh zakhmi ho gaya tha aur us sey usko badi takleef ho rahi thi aakhir usney churi (knife) se apna haat kaat dala aur khoon bahney laga jis ki wajah se wo mar gaya Allah taala ne farmaya mere bandey ne marney mein jaldi ki isliye mainey bhi jannat ko is par haram kar diya.
{Sahih Bukhari, Vol 4, 3463}
🌺Thabit bin Ad-Dahhak Radi Allahu Anhu se rivayat hai ki Rasoollallah Sallallahu Alaihi Wasallam ne farmaya jisney kisi cheez se khudkushi kar li to usey Jahannam mein usi se azab diya jayega
{Sahih Bukhari, Vol 7, 6105}
